Xaçmaz rayonunun Qımılqışlaq kənd sakinləri uzun illərdir yol problemindən əziyyət çəkirlər.
Məsələ ilə bağlı Shimal.News-a danışan sakinlərin sözlərinə görə, bu mövsümdə yol keçilməz hal alır.
"Xüsusilə qış aylarında yol palçığa qərq olur və hərəkət etmək demək olar ki, mümkünsüz hala gəlir. Hazırda da yolun vəziyyəti ürəkaçan deyil. Yağış və qar yağdıqdan sonra vəziyyət daha da ağırlaşır. Yay mövsümündə isə ərazidə həşərat və ilanların çoxalması əlavə təhlükə yaradır. Məktəbə və işə gedənlər hər gün bu çətinliklərlə üzləşirlər.
Dəfələrlə aidiyyəti qurumlara müraciət etsək də, bizə "bu gün-sabah yol bərpa olunacaq" deyə vəd verilir. Lakin indiyədək heç bir iş görülməyib", - deyə kənd sakinləri bildiriblər.
Kəndlilər aidiyyəti qurumlardan problemin qısa zamanda həll olunmasını istəyirlər.
