Qəbələ rayonunun Səyirli kəndində yolların bərbad vəziyyəti sakinlərin narazılığına səbəb olub.
Məsələ ilə bağlı Shimal.News-a danışan sakinlərin sözlərinə görə, kənd yolu uzun müddətdir təmir olunmur.
Onların bildirdiyinə görə, yol çala-çuxurlarla doludur, yağışlı havalarda isə iri gölməçələr yaranır. Bu isə həm piyadaların, həm də avtomobillərin hərəkətini xeyli çətinləşdirir.
"Avtomobillər tez-tez palçığa batır, hərəkət etmək demək olar ki, mümkün olmur. Sanki kənd sakinlərinin bu yollardan çəkdiyi əziyyəti görən yoxdur", - deyə sakinlər qeyd ediblər.
Sakinlər problemin həlli üçün aidiyyəti qurumlardan kənd yolunun təmir olunmasını tələb edirlər.
