Qəbələ rayonunda payız-qış mövsümünə hazırlıq işləri ilə əlaqədar olaraq bəzi yaşayış məntəqələrinin qaz təchizatında müvəqqəti fasilə yaranacaq.
Shimal.News xəbər verir ki, 3 iyun 2026-cı il tarixində saat 10:00-dan etibarən rayonun Nohurqışlaq, Tüntül, Yengicə kəndləri və Vəndam qəsəbəsində qazın verilişi dayandırılacaq.
Bildirilib ki, qaz təchizatındakı məhdudiyyət planlı təmir və hazırlıq tədbirləri ilə əlaqədardır. İşlər başa çatdıqdan sonra yaşayış məntəqələrinin qaz təminatı mərhələli şəkildə bərpa olunacaq.
Sakinlərə qaz avadanlıqlarından istifadə zamanı təhlükəsizlik qaydalarına əməl etmələri və ehtiyat tədbirləri görmələri tövsiyə olunur.
