Qəbələ şəhərində Ümumdünya Şəhərsalma Forumunun On Üçüncü Sessiyası (WUF13) çərçivəsində təşkil olunan festival ictimai proqramla başa çatıb.
Shimal.News xəbər verir ki, mayın 4-də keçirilən tədbir Qəbələ sakinləri və şəhərin qonaqları arasında WUF13 barədə məlumatlılığın artırılmasına yönəlib.
Bildirilib ki, festival çərçivəsində 10 mindən çox iştirakçının qatıldığı interaktiv proqram təşkil olunub. Proqram zamanı WUF13 və şəhərsalma mövzuları, eləcə də Qəbələ rayonunun memarlıq abidələri ilə bağlı suallar təqdim edilib, müsabiqələr keçirilib.
Düzgün cavab verən iştirakçılar müxtəlif hədiyyələrlə mükafatlandırılıb.
