Qəbələ şəhərində yerləşən Sura Kərimova küçəsində təbii qaz təchizatında müvəqqəti fasilə yaranıb.
Shimal.News xəbər verir ki, bu barədə SOCAR-ın "Azəriqaz" İstehsalat Birliyi məlumat yayıb.
Bildirilib ki, küçədən keçən diametri 108 mm olan qaz xəttində sızma aşkarlanıb. Təhlükəsizlik məqsədilə bu gün saat 10:15-dən etibarən həmin ərazidə qaz təchizatı dayandırılıb.
Qeyd olunub ki, hazırda ərazidə təmir-bərpa işləri aparılır. İşlər başa çatdıqdan sonra abonentlərin qaz təminatı bərpa ediləcək.
