Qəbələdə ilk dəfə keçirilən "GabalaFest" musiqi, incəsənət, mədəniyyət və yaradıcılıq həvəskarlarını bir araya gətirib.
Shimal.News xəbər verir ki, festival çərçivəsində konsert proqramları, beynəlxalq incəsənət sərgisi, kitab yarmarkası, sənət və əl işləri nümayişləri, ustad dərsləri, interaktiv proqramlar və müxtəlif mədəni layihələr təşkil olunacaq.
Təşkilatçılar bildirirlər ki, "GabalaFest" müxtəlif yaş qruplarından olan ziyarətçilərə zəngin mədəni proqram təqdim etməklə yanaşı, Qəbələnin turizm və mədəni potensialının tanıdılmasına da töhfə verəcək.
Festival bir neçə gün davam edəcək və yerli sakinlərlə yanaşı, ölkənin müxtəlif bölgələrindən və xaricdən gələn qonaqları da qəbul edəcək.
