Qəbələdə 18 yaşlı oğlan 14 yaşlı qıza qarşı seksual hərəkətlər edib.
Shimal.News-un məlumatına görə, hadisə rayonun Nic qəsəbəsində qeydə alınıb.
İstintaq materiallarına əsasən, 2008-ci il təvəllüdlü qəsəbə sakini Natiq saxta "İnstagram" hesabı vasitəsilə 2011-ci il təvəllüdlü Aygün ilə əlaqə yaradıb. O, zərərçəkmişin 14 yaşına çatmadığını və aralarında dörd yaş fərqi olduğunu bildiyi halda sosial şəbəkədə yazışmalar apararaq onunla sevgi münasibəti qurub.
Bir müddət davam edən yazışmalardan sonra Natiqlə Aygün zərərçəkmişin yaşadığı evin yaxınlığında görüşüblər. Təqsirləndirilən şəxs əvvəlcə evin giriş qapısının qarşısında qızın razılığı ilə onu dodağından öpüb. Daha sonra onlar birlikdə həyətə daxil olub, evin sağ tərəfində yerləşən fındıq ağacının yaxınlığında qeyri-təbii yolla cinsi münasibətdə olublar.
Cinayət hadisəsi valideynlərin toy mərasimindən evə qayıtmasından sonra üzə çıxıb. Zərərçəkmişin anası verdiyi ifadəsində bildirib ki, hadisə günü həyat yoldaşı ilə birlikdə kənddə keçirilən toy mərasiminə gediblər. Qızları isə başının ağrıdığını əsas gətirərək evdə qalıb. Valideynlər evə qayıtdıqda qızlarını evdə tapa bilməyiblər. Qızlarını həyətin girişində ağlayan vəziyyətdə görüblər. Ata qızından nə baş verdiyini soruşduqda, o, babası Yuri ilə mübahisə etdiyini və buna görə həyətə çıxdığını deyib.
Ancaq ailə üzvləri hadisədən şübhələnərək babaya məxsus mobil telefonu yoxlayıblar. Telefonun "Instagram" yazışmalarında Natiq adlı şəxslə mesajlar aşkar edilib. Bundan sonra ailə polisə müraciət edərək şikayət ərizəsi verib.
Zərərçəkmiş Aygün isə ifadəsində bildirib ki, təxminən bir il əvvəl babasının telefonunda "Instagram" hesabı açıb. Onun sözlərinə görə, hadisədən bir neçə gün əvvəl Nic qəsəbəsində yaşayan, məktəbin 11-ci sinif şagirdi olan Natiq ona sosial şəbəkədə izləmə sorğusu göndərib və mütəmadi yazışmağa başlayıblar. Bir müddət sonra Natiq ona görüşməyi təklif edib. Zərərçəkmiş bu təklifi qəbul edib və razılaşdırılmış vaxtda yaşadığı evin yaxınlığında görüşüblər.
Aygün qeyd edib ki, görüş zamanı onlar qucaqlaşıb, öpüşüb, onun razılığı ilə qeyri-təbii yolla cinsi münasibətdə olublar.
Qəbələ Rayon Məhkəməsinin hökmü ilə Natiq təqsirli bilinərək 4 il müddətinə azadlıqdan məhrum etmə cəzasına məhkum edilib.
Qeyd edək ki, adlar şərti verilib.
Əsmər Sənani
