Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) sabiq regional rəhbərlərindən biri olan Turan Əsədov yeni vəzifəyə təyin edilib.
Shimal.News xəbər verir ki, bununla bağlı müvafiq əmr imzalanıb. Əmrə əsasən, Turan Nasir oğlu Əsədov DSMF-nin Maddi-Məişət Şəraitinin Müayinəsi üzrə Mərkəzi Filialının Mil-Muğan və Şirvan-Salyan iqtisadi rayonları üzrə maddi-məişət şəraitinin müayinəsi departamentinin müdiri vəzifəsinə gətirilib.
Qeyd edək ki, Turan Əsədov əvvəllər DSMF-nin 3 saylı Şəki–Zaqatala regional filialına rəhbərlik edib.
Onun adı 2025-ci ilin mart ayında baş vermiş ölümlə nəticələnən yol-nəqliyyat hadisəsindən sonra gündəmə gəlmişdi.
