Qax rayonunda müşahidə olunan güclü külək və leysan xarakterli yağış bir sıra fəsadlara səbəb olub.
Shimal.News-a daxil olan məlumata əsasən, bu gün səhər saatlarında rayonun Marsan kəndində güclü küləyin təsiri nəticəsində ağaclar və elektrik dirəkləri aşıb, bəzi yaşayış və yardımçı tikililərin dam örtüklərinə ziyan dəyib.
Hazırda ərazidə qeyri-sabit hava şəraiti davam edir. Sakinlər elektrik xətlərinin zədələnməsi və aşmış ağacların əlavə təhlükə yaratdığını bildirirlər.
Onların sözlərinə görə, hələ ki, aidiyyəti qurumların əməkdaşları əraziyə gələrək bərpa işlərinə başlamayıblar.
