Qax, Zaqatala və Qəbələ rayonlarının bəzi yaşayış məntəqələrində qaz təchizatında müvəqqəti fasilə yaranacaq.
Shimal.News xəbər verir ki, qaz təchizatının dayandırılması payız-qış mövsümünə hazırlıq və təmir-quraşdırma işləri ilə əlaqədardır.
Məlumata görə, bu gün saat 10:00-dan etibarən Qax şəhəri ilə yanaşı Qaxbaş, Qaxingiloy, Ağçay, İlisu, Əlibəyli, Alatəmir, Meşəbaş və Əmircan kəndlərində qazın verilişi dayandırılıb.
Eyni zamanda, təmir işləri ilə əlaqədar olaraq Zaqatala rayonunun Danaçı kəndində də saat 10:00-dan etibarən qaz təchizatında fasilə yaranıb.
Bundan başqa, sabah saat 10:00-dan başlayaraq Qəbələ rayonunun Nic qəsəbəsi, Mirzəbəyli, Daşca, Mıxlıqovaq, Yemişənli və Zarağan kəndlərində də qaz təchizatı müvəqqəti dayandırılacaq.
Qeyd olunub ki, işlər başa çatdıqdan sonra abonentlərin qaz təminatı bərpa ediləcək.
