Shimal.News məlumat verir ki, məhkəmə materiallarına görə, Günel (şərti ad) işlədiyi kafedə tanış olduğu Şükürlə (şərti ad) sonradan əlaqə saxlayaraq onu yaşadığı evə dəvət edib.
Məhkəmədə Günel elan olunmuş ittiham üzrə özünü qismən təqsirli bilib. İfadəsində göstərib ki, videonu Şükürün öz xahişi ilə çəkib:
"Sonradan baxıb həzz alması üçün videonu mənə çəkdirdi, ona göndərməyimi istədi. Mən onu şantaj etməmişəm, pul tələbim olmayıb. OO, mənə 300 manat verəcəyini demişdi. Mən də müəyyən səbəblərə görə Şükürdən 200-300 manat istəməli oldum. O, xahiş edəndə videonu vermədim. Sonra mənə pul verəcəyini dedi. Ancaq videonu Şükürə yollamadım, buna görə münasibətlərimiz pozuldu".
İstintaqın gəldiyi nəticəyə əsasən, qadın həmin görüntüləri yayacağı ilə hədələyərək kişidən 3500 manat tələb edib.
Zərərçəkmiş Şükür isə pul ödəmək əvəzinə hüquq-mühafizə orqanlarına müraciət edib. Onun sözlərinə görə, 2025-ci ilin qış aylarında dostu Telmanla birlikdə Qusar şəhərində kafeyə gedib:
"Telman məni kafedə ofisiant işləyən Günel adlı xanıma təqdim edərək bioloji təbabətlə məşğul olduğumu bildirdi. Günel isə övladında nitq qüsurları olduğunu dedi, köməklik göstərməyimi xahiş etdi. Avtomobildən dərman götürüb ona verdim. Bununla aramızda ünsiyyət yarandı. Təxminən 10 gün sonra ünsiyyətimiz kəsildi".
Həmin ilin avqust ayında Günel Şükürə yazıb: "O, işdən çıxdığını, sevgilisindən ayrıldığını bildirdi, məni öz evinə dəvət etdi. Aramızda intim mövzularda da söhbət oldu. Sonrakı gün axşam saat 20 radələrində Qusar şəhərinə gəldim, bazarlıq edərək Günelin evinə getdim. Birlikdə spirtli içki içdik. Onunla intim hərəkətlərlə məşğul oldum. Günel prosesi mobil telefonunun kamerası ilə qeydə aldı".
Məhkəmədə qadın pul tələb etmədiyini və görüntülərin qarşı tərəfin razılığı ilə çəkildiyini iddia etsə də, iş materiallarında onun istintaq zamanı ifadələrdə görüntülərdən istifadə edərək pul almaq qərarına gəldiyini bildirdiyi qeyd olunub.
Araşdırmaların nəticəsi olaraq Qusar Rayon Məhkəməsi qadını hədə-qorxu ilə pul tələb etməkdə təqsirli bilərək 3 il müddətinə azadlıqdan məhrum edib.
