Oğuz şəhərinin Dədə Qorqud küçəsində yağış sularının axıdılması üçün nəzərdə tutulan drenaj sistemində yaranmış problem sakinlərin narazılığına səbəb olub.
Shimal.News-a danışan sakinlərin sözlərinə görə, ərazidə quraşdırılan drenaj borusunun yarımçıq qalması nəticəsində yağış suları küçəyə axır. Bildirilir ki, güclü yağıntılar zamanı küçədə toplanan su daha sonra yaxınlıqdakı bir neçə evin həyətinə dolaraq sakinlər üçün ciddi çətinlik yaradır.
Onların iddiasına əsasən, məsələ ilə bağlı dəfələrlə aidiyyəti qurumlara müraciət edilsə də, problem hələ də həllini tapmayıb.
Sakinlər drenaj sistemindəki nasazlığın aradan qaldırılması və yağış sularının normal şəkildə istiqamətləndirilməsi üçün aidiyyəti qurumlardan tədbir görülməsini istəyirlər.
