Oğuz rayonunda qanunsuz ağac kəsilməsi və torpaq zəbt etmə faktları ilə bağlı tədbirlər görülüb.
Shimal.News xəbər verir ki, Xaçmazqışlaq kəndi ərazisində 15 ədəd qızılağac ağacının kəsilməsi nəticəsində təbiətə 5 min manatdan artıq ziyan vurulub. Polis əməkdaşlarının həyata keçirdiyi əməliyyat tədbirləri nəticəsində ağacları kəsməkdə şübhəli bilinən kənd sakini, 58 yaşlı A.Məmmədov saxlanılıb.
Digər fakt isə Yaqublu kəndi ərazisində qeydə alınıb. Belə ki, bələdiyyə mülkiyyətində olan 60 hektar torpaq sahəsinin qanunsuz zəbt edilməsi, 350 ədəd qaratikan kolunun məhv edilməsi və nəticədə təbiətə 26 min manatdan artıq ziyan vurulması müəyyən edilib. Bu əməli törətməkdə şübhəli bilinən daha iki nəfər də saxlanılıb.
Faktlarla bağlı Cinayət Məcəlləsinin müvafiq maddələri ilə cinayət işi başlanılıb, araşdırmalar davam etdirilir.
