Oğuz rayonunda hemofiliya və talassemiya xəstəliklərindən əziyyət çəkən şəxslərin qanla təminatına dəstək məqsədilə könüllü qanvermə aksiyası keçirilib.
Shimal.News xəbər verir ki, aksiya Respublika Qan Bankının Şəki bölməsi və Oğuz Rayon Mərkəzi Xəstəxanasının birgə təşkilatçılığı ilə baş tutub.
Toplanan qan ehtiyatı hemofiliya, talassemiya və digər irsi qan xəstəliklərindən əziyyət çəkənlərin, xüsusilə uşaqların müalicəsi üçün istifadə olunmaq məqsədilə Respublika Qan Bankına təhvil verilib.
