Oğuz rayonunun Kərimli-Qarabaldır avtomobil yolu uzun illərdir çalalı və kələ-kötürlü vəziyyətdə qalıb.
Shimal.News-a danışan sakinlər bildiriblər ki, 4 kilometr uzunluğundakı daşlı-çınqıllı yol ilə hərəkət etmək artıq çətinləşib. Yayda toz-torpaq, yağışlı havalarda isə su yığıntıları sürücülər üçün ciddi problem yaradır.
Kənddə təxminən 600 nəfər yaşayır və yol sonuncu dəfə 1984-cü ildə təmir olunub. Ötən il Azərbaycan Avtomobil Yolları Dövlət Agentliyi tərəfindən yenidənqurma işlərinə başlanmışdı, lakin işlər yarımçıq qalıb. Sakinlər aidiyyəti qurumlardan problemin tezliklə həllini gözlədiklərini bildirirlər.
