Prezident İlham Əliyev “Avtomobil yolları haqqında” qanunda dəyişiklik olması haqda Fərman imzalayıb. Bu haqda ShimalNews 28 mart tarixində xəbər verir.
Pullu yoldan istifadəyə görə ödənilən vəsaitin bölgüsü və ondan istifadənin hüquqi əsasları yaradılıb.
Gediş üçün ödəniş məbləği Tarif (qiymət) Şurası tərəfindən təsdiq edilərək, Azərbaycan Avtomobil Yolları Dövlət Agentliyinin bu məqsədlə açılmış bank hesabına köçürüləcək.
Həmin vəsaitin bölgüsü müvafiq icra hakimiyyəti orqanının müəyyən etdiyi orqanla (qurumla) razılaşdırılmaqla Nazirlər Kabineti tərəfindən müəyyən ediləcək.
Qanun ödənişli avtomobil yollarından istifadəyə görə ödənilən vəsaitin bölgüsünün və ondan istifadənin hüquqi əsaslarını yaratmaq məqsədilə hazırlanıb. Bu vəsaitin bölgüsü qaydası qanun qəbul edildikdən sonra müvafiq dövlət orqanı tərəfindən təsdiq ediləcək
