Xaçmazın turizm bölgəsinə gedən əsas yollardan biri olan Xaçmaz–Xudat–Yalama avtomobil yolunda təmir işləri son mərhələyə çatıb.
AZƏRTAC-ın məlumatına görə, yaz aylarında yağan güclü leysanlar nəticəsində İstisu qəsəbəsi ərazisində sel suları yolun bir hissəsini yuyaraq hərəkəti məhdudlaşdırmışdı. Bu səbəbdən Nabran istiqamətində hərəkət edən sürücülər alternativ marşrutlardan istifadə etməyə məcbur qalıblar.
Hazırda ərazidə köhnə suötürücü boru yenisi ilə əvəz olunub və yolun bərpası istiqamətində işlər davam etdirilir. Təmir-bərpa işlərinin iyun ayı ərzində yekunlaşdırılması və yolun nəqliyyatın istifadəsinə verilməsi planlaşdırılır. 
