Muğanlı-İsmayıllı-Qəbələ avtomobil yolunun yenidən qurulması layihəsi ilə bağlı ictimai dinləmə keçiriləcək. Bu barədə ShimalNews 4 aprel tarixində Ekologiya və Təbii Sərvətlər Nazirliyinə istinadən məlumat verir.
Görüş aprelin 6-sı saat 15:00-da Dövlət Ekoloji Ekspertiza Agentliyinin inzibati binasında keçiriləcək. Burada layihə icraçıları, ictimaiyyət və QHT nümayəndələri, aidiyyəti ekspert-mütəxəssislər iştirak edəcək, maraqlı tərəflərin fikirləri dinlənilərək yekun rəy qəbul ediləcək.
