İsmayıllı rayonunun Basqal qəsəbəsində zəncirvari avtomobil qəzası nəticəsində xəsarət alanlar olub. Bu barədə ShimalNews 18 fevral tarixində Report-a istinadən məlumat verir.
Hadisə axşam saatlarında yolun buz bağlaması səbəbindən baş verib. "Mercedes", "Opel", "Qazel", "Ford", "Toyota Prius", "Hyundai Santa Fe" və "VAZ-2107" markalı minik avtomobilləri bir-birinə çarpılıb. Bəzi nəqliyyat vasitələri zərbənin təsirindən yoldan çıxaraq aşıb.
Nəticədə 55 yaşlı Zabil Şükürov və 35 yaşlı Mövlud İsrafilov xəsarət alıblar. Onlar təcili tibbi yardım avtomobili ilə Şamaxı rayon Mərkəzi Xəstəxanasına çatdırılıblar.
Faktla bağlı araşdırma aparılır.
