"Azəristiliktəchizat" ASC-nin sədri İlham Mirzəliyev Qusar rayonunda Quba və Qusar sakinlərini qəbul edib.
Shimal.News xəbər verir ki, qəbuldan əvvəl "Azəristiliktəchizat" ASC-nin sədri İlham Mirzəliyev və Qusar rayon icra hakimiyyətinin başçısı Sahir Məmmədxanov Ümummilli Lider Heydər Əliyevin abidəsini ziyarət edib, Ulu Öndərin abidə önünə gül dəstəsi düzərək, əziz xatirəsinə ehtiramlarını bildiriblər.
Rayonun Heydər Əliyev mərkəzində keçirilən qəbulda vətəndaşların müraciət və təklifləri dinlənilib, qaldırılan məsələlərin hərtərəfli öyrənilməsi və qanunvericiliyin tələblərinə uyğun operativ şəkildə həll edilməsi üçün müvafiq tapşırıqlar verilib.
Qəbuldan sonra "Azəristiliktəchizat" ASC-nin sədri İlham Mirzəliyev Qusar rayonunda payız-qış mövsümü ərzində istismar olunan qazanxanaların fəaliyyəti ilə tanış olub, mövcud problemlərin həll edilməsi istiqamətində tapşırıqlarını bildirib.
