Xalq artisti Flora Kərimova bir neçə günə müalicə aldığı xəstəxanadan evə buraxıla bilər.
Report.az-ın məlumatına görə, bu barədə sənətkarın köməkçisi Yaqut İmanova məlumat verib.
Onun sözlərinə görə, Xalq artistinin müalicəsi davam etdirilir:
"Səhhəti yaxşılaşır. Həkim nəzarəti altında müalicəsi aparılır, ola bilsin, üç günə evə buraxılsın. Bu, həkimlərin qərarından asılıdır".
Xatırladaq ki, bir neçə gün öncə Flora Kərimova səhhətində yaranan narahatlıq səbəbindən xəstəxanaya yerləşdirilib. Sənətkarın müalicə prosesi Heydər Əliyev Fondunun prezidenti Mehriban Əliyeva tərəfindən nəzarətə götürülüb.
Qeyd edək ki, Flora Kərimova 1941-ci il iyulun 23-də Bakıda anadan olmuşdur. Əslən anası Zümrüd xanım şuşalı, atası Ələkbər bəy isə qəbələlidir.
