Balakən və Qəbələ rayonları istiqamətində səfər edən sərnişinlər üçün yeni imkan yaradılıb.
Shimal.News xəbər verir ki, Azərbaycan Dəmir Yollarından verilən məlumata görə, yeni istifadəyə verilmiş Dərnəgül stansiyasından ölkənin müxtəlif bölgələrinə qatarla səfər etmək mümkün olacaq.
Bildirilib ki, iyunun 6-dan etibarən Bakı–Qazax–Bakı, Bakı–Ağstafa–Bakı, Bakı–Balakən–Bakı və Bakı–Qəbələ–Bakı marşrutları üzrə hərəkət edən qatarlar da "Dərnəgül" stansiyasında dayanacaq.
Sərnişinlər biletləri ADY-nin rəsmi saytı, ADY Mobile tətbiqi və ya dəmiryol kassaları vasitəsilə əldə edə bilərlər.
