Quba rayonunun Qəçrəş kəndində yolun bərbad vəziyyətdə olması narazılığa səbəb olub.
Məsələ ilə bağlı Shimal.News-a danışan sakinlərin sözlərinə görə, yolun asfalt örtüyü demək olar ki, tam yararsız hala düşüb.
"Bu yol 5-6 kəndi birləşdirir və gündəlik istifadə olunur. Yolun bir çox hissəsində iri çala və çuxurlar əmələ gəlib. Yolun bu vəziyyətinə görə maşınlarımız da tez-tez sıradan çıxır.
Xüsusilə yağışlı və qarlı havalarda bu yolla hərəkət etmək daha da çətinləşir.
Dəfələrlə aidiyyəti qurumlara müraciət etsək də, indiyədək yolun təmiri ilə bağlı hər hansı tədbir görülməyib", - deyə sakinlər bildiriblər.
Onlar aidiyyəti qurumlardan yolun qısa müddətdə təmir olunmasını istəyirlər.
