Muğanlı-İsmayıllı yolunun Tircan kəndi ərazisində xəsarətlə nəticələnən qəza baş verib. Bu barədə ShimalNews 11 fevral tarixində “Unikal”a istinadən məlumat verir.
Məlumata görə, "Kia" markalı minik avtomobili buzlu yolda idarəetməni itirib və çökək əraziyə aşıb. Nəticədə 39 yaşlı sürücü Nadir Qəribov, onun 64 yaşlı anası Rayə Qəribova, 69 yaşlı atası Ədalət Qəribov müxtəlif dərəcəli bədən xəsarətləri alıblar.
Yaralılar İsmayıllı Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
