Balakən rayon Gənclər Evində yeniyetmələr arasında "Turan-fest" adlı "Nə? Harada? Nə zaman?" intellektual oyunu üzrə turnir təşkil olunub.
Shimal.News xəbər verir ki, 60 nəfərin iştirak etdiyi yarış Şəki-Zaqatala Regional Gənclər və İdman İdarəsinin Balakən rayonu üzrə gənclər və idman sektoru, Gənclər Evi sosial xidmət müəssisəsi və Turan Tədris Mərkəzinin birgə təşkilatçılığı ilə baş tutub.
Gərgin mübarizə şəraitində keçən turnirin yekun nəticələrinə əsasən "Qaliblər" komandası ən yüksək nəticə göstərərək birinci yerə layiq görülüb. Qalib komandanın üzvləri diplom və medallarla təltif olunublar.
