Balakən Rayon İcra Hakimiyyətində yeni kadr təyinatları həyata keçirilib.
İqtisadiyyat.az-ın məlumatına görə, icra başçısı Natiq Ağayev müvafiq əmrlər imzalayıb. Əmrlərə əsasən, Hacı Muradov Ərazi-təşkilat və ictimai-siyasi məsələlər şöbəsinin müdir müavini, həmçinin Müharibə iştirakçıları və şəhid ailələri ilə işin təşkili sektorunun müdiri vəzifəsinə təyin olunub.
Digər təyinatla Asif Məmmədov Sənəd dövriyyəsi, vətəndaş müraciətləri və inzibati işlər şöbəsinin Sənədlərlə və vətəndaşların müraciətləri ilə iş sektorunun müdiri vəzifəsinə gətirilib.
Qeyd edək ki, A.Məmmədov bu təyinatadək həmin sahədə məsləhətçi, H.Muradov isə baş məsləhətçi kimi fəaliyyət göstərib.
Vətən müharibəsi qazisi olan Hacı Muradov müxtəlif dövlət təltifləri, o cümlədən "Kəlbəcərin azad olunmasına görə", "Hərbi xidmətdə fərqlənməyə görə" və "Vətən müharibəsi iştirakçısı" medalları ilə təltif edilib.
