Birinci Qarabağ müharibəsi zamanı Ağdam rayonunun Sırxavənd kəndi ərazisində itkin düşən və 34 ildən sonra meyitinin qalıqları tapılan Cavanşir Həsənovun nəşi vida mərasimindən sonra doğulduğu Balakən rayonunun Şəhidlər Xiyabanında torpağa tapşırılıb.
Shimal.News xəbər verir ki, dəfn mərasimində Balakən Rayon İcra Hakimiyyətinin rəhbərliyi, ictimaiyyət nümayəndələri, şəhidin ailəsi və yaxınları iştirak ediblər.
Vida mərasimi başa çatdıqdan sonra Cavanşir Həsənovun meyitinin qalıqları Şəhidlər Xiyabanında torpağa tapşırılıb.
Qeyd edək ki, Cavanşir İsrafil oğlu Həsənov 1967-ci ildə Balakən rayonunun Hənifə kəndində anadan olub. O, 1992-ci ilin iyun ayının 12-də Ağdam rayonunun Sırxavənd kəndi ərazisində itkin düşüb.
Şəhid Cavanşir Həsənov itkin düşərkən evli olub. O, 1992-ci ilin iyun ayında itkin düşdükdən üç ay sonra oğlu dünyaya gəlib və oğluna Cavanşir adı verilib.
