Bakı–Şamaxı avtomobil yolunda hərəkət iştirakçıları üçün təhlükə saçan vəziyyət yaranıb.
Shimal.News xəbər verir ki, magistralda asfalt örtüyü çökərək dərin çala əmələ gətirib.
Sürücülərin sözlərinə görə, yüksək sürətli hərəkətin olduğu yolda bu cür vəziyyət yol-nəqliyyat hadisələrinə səbəb ola bilər. Xüsusilə iki təkərli nəqliyyat vasitələri – motosiklet və velosiped sürücüləri üçün risk daha böyükdür.
Vətəndaşlar aidiyyəti qurumları ərazidə təcili təmir işləri aparmağa və təhlükəli hissədə xəbərdaredici nişanlar quraşdırmağa çağırırlar.
