Bakı-Quba magistralında hərəkət edən yük avtomobili yolda digər sürücülər üçün təhlükəli vəziyyət yaradıb.
Shimal.News-a daxil olan məlumata görə, yolun sol hissəsində hərəkət edən yük maşını uzun müddət arxasında nəqliyyat sıxlığı yaradıb. Bildirilir ki, 30 dəqiqəyə yaxın yük avtomobili arxasında onlarla maşının toplanmasına səbəb olub.
Diqqət çəkən əsas məqamlardan biri isə yük maşınının təhlükəli şəkildə yüklənməsidir. Belə ki, avtomobildə üst-üstə və qeyri-sabit formada yığılan ağır tikinti materialları daşınıb. Yükün bu formada daşınması yolda hərəkət edən digər sürücülər üçün ciddi risk yaradıb. Hərəkət zamanı yükün aşma, dağılma və ya yola tökülmə ehtimalı qəza təhlükəsini daha da artırıb.
Sürücülər bildirirlər ki, həm yükün təhlükəli şəkildə daşınması, həm də avtomobilin arxasında uzun tıxac yaratması Bakı-Quba yolunda hərəkəti çətinləşdirib.
