Mayın 16-dan etibarən Bakı–Qəbələ–Bakı marşrutu üzrə hərəkət edən qatarlar Kürdəmir stansiyasında da dayanacaq.
Shimal.News xəbər verir ki, bu barədə "Azərbaycan Dəmir Yolları" QSC məlumat yayıb.
Bildirilib ki, yeni dəyişiklikdən sonra sərnişinlər artıq Bakı–Qəbələ–Bakı xətti ilə yanaşı, ADY-nin bütün rayonlararası marşrutları vasitəsilə də Kürdəmirə rahat şəkildə səfər edə biləcəklər.
Qeyd edək ki, Bakı–Qəbələ qatarı bölgələrə səfər edən turistlər və yerli sakinlər tərəfindən ən çox istifadə olunan marşrutlardan biri hesab olunur.
