2025-ci il üzrə IX sinif buraxılış imtahanlarının nəticələrinin təhlili narahatedici mənzərə ortaya çıxarıb.
Shimal.News xəbər verir ki, bu barədə məlumat "Abituriyent" jurnalının 12-ci sayında yer alıb. Təhlillərə əsasən, ən azı 6 şagirdin oxuyub-yazma bacarığının olmadığı müəyyən edilib.
Məlumatda qeyd olunur ki, imtahan rəhbərlərinin əksəriyyəti bu cür halları protokollarda əks etdirmədiyindən, faktiki sayın daha yüksək ola biləcəyi istisna edilmir.
Oxuyub-yaza bilməyən IX sinif şagirdləri aşağıdakı ərazilərdə aşkarlanıb:
Balakən rayonu – 1 nəfər;
Ağsu rayonu – 1 nəfər;
Gəncə şəhəri – 1 nəfər;
Beyləqan rayonu – 1 nəfər;
Zərdab rayonu – 1 nəfər;
Suraxanı rayonu – 1 nəfər.
Mütəxəssislər hesab edirlər ki, bu cür halların vaxtında müəyyən edilməsi və şagirdlərə əlavə dəstəyin göstərilməsi təhsilin keyfiyyətinin artırılması baxımından mühüm əhəmiyyət daşıyır.
