Şabran rayonunun Ağalıq kəndində içməli su problemi yaranıb.
Shimal.News redaksiyasına daxil olan şikayətlərə görə, kənddəki su bulaqlarının sıradan çıxması nəticəsində sakinlər içməli suyu yalnız bir hovuzdan götürmək məcburiyyətində qalıblar. Lakin həmin su hövzəsində antisanitar vəziyyət hökm sürür.
Kənd sakinləri bildirirlər ki, hovuz uzun müddətdir təmizlənmir və baxımsız vəziyyətdədir. Bu da suyun keyfiyyətinə mənfi təsir göstərərək, insan sağlamlığı üçün ciddi təhlükə yaradır. Dəfələrlə aidiyyəti qurumlara müraciət edilsə də, indiyədək heç bir tədbir görülməyib.
Vətəndaşlar problemin həlli üçün təcili tədbirlər görülməsini, hovuzun təmizlənməsi və bərpasını tələb edirlər.
Qeyd edək ki, çirkli suyun istifadəsi infeksion xəstəliklərin yayılmasına səbəb ola bilər.
