Xəbər verdiyimiz kimi, Zaqatalanın Qımır kəndində 58 yaşlı kişi həmkəndlisi tərəfindən qətlə yetirilib.
Shimal.News xəbər verir ki, ilkin məlumata görə, kənd sakini Kamran Məhərrəmov alış-veriş etmək üçün mağazaya daxil olub. Bir qədər sonra onun arxasınca mağazaya gələn həmkəndlisi Ələsgər Əhmədov üzərində olan bıçaqla ona arxadan, boyun nahiyəsinə bir neçə zərbə endirib. Ağır xəsarətlər alan 58 yaşlı kişi hadisə yerində həyatını itirib.
Hadisənin şəxsi münasibətlər zəminində, namus məsələsi ilə bağlı baş verdiyi bildirilir. Həmin şəxslər arasında son bir ildən artıq müddətdə mütəmadi mübahisələr yaşanıb.
Faktla bağlı Zaqatala Rayon Prokurorluğunda cinayət işi başlanılıb, araşdırmalar davam etdirilir.
