Xudat şəhərində yerləşən Nizami Gəncəvi parkının təmirdən sonra açılışı olub. Bu haqda ShimalNews 13 iyun tarixində RİH-yə istinadən məlumat verir.
15 İyun - Milli Qurtuluş Günü ərəfəsində dövlət qurumlarının rəhbərləri, şəhid ailələri, qazilər və qonaqlar tədbirdə iştirak ediblər.
Burada çıxış edən icra başçısı Elnur Rzayev rayonda park və xiyabanların yenidən qurulması, yaşıllıqların salınması istiqamətində görülən işlərdən danışıb. O, dahi şairimiz Nizami Gəncəvinin adını daşıyan parkın əsaslı təmir olunmasını görkəmli şəxsiyyətlərə verilən qiymətin bariz nümunəsi kimi dəyərləndirib.
Sonra şeirlər oxunub, musiqi kollektivləri xalq mahnıları və rəqs nümunələri ilə çıxış ediblər.
İki il öncə adıçəkilən parkın baxımsız vəziyyətdə olması haqda məlumat vermişdik.
