Xaçmazın icra başçısı Elnur Rzayev Pirquluoba kəndinin gilas bağlarında olub, məhsuldarlıqla maraqlanıb. Bu barədə ShimalNews 21 iyun tarixində xəbər verir.
RİH-nin məlumatına görə, səfər zamanı fermerlərin təklifləri dinlənilib. İcra başçısı isə onlara dövlət tərəfindən həyata keçirilən aqrotexniki dəstək mexanizmləri barədə ətraflı məlumat verib. Rayonda meyvə bağlarının artırılması istiqamətində həyata keçirilən layihələrdən danışıb.
Bağ sahibləri bu ilki məhsuldarlığın və gilasın satış qiymətinin qənaətbəxş olduğunu bildiriblər.
Bundan öncə şimal bölgəsində alça və gilasın qiymətləri haqda məlumatı təqdim etmişdik.
“Keçən il alçanın kilosu 1,5 – 4 manat olub. Bu il isə 0,5-2,5 manatdan çox olmalıdır. Gilasın qiyməti növlərinə görə dəyişir. Onun keçən illə müqayisədə qiyməti 2 manatadək aşağı düşüb”, – deyə fermerlər bildiriblər.
