Bu gün Xaçmaz Rayon İcra Hakimiyyətinin başçısı Elnur Rzayevin doğum günüdür.
Elnur Rzayev aprelin 2-si 1980-ci ildə Qərbi Azərbaycanın Basarkeçər rayonunun Aşağı Şorca kəndində anadan olub. O, Azərbaycan Dövlət İqtisad Universitetində “Biznes üzrə menecment” ixtisası üzrə bakalavr, “İstehsal sistemlərinin idarəedilməsi” ixtisası üzrə magistr fakültələrini bitirib. Sonra isə Azərbaycan Respublikasının Prezidenti Yanında Dövlət İdarəçilik Akademiyasında “Dövlət və Bələdiyyə idarəetməsi” ixtisası üzrə təhsil alıb.
Azərbaycan Respublikası Prezidentinin 31 oktyabr 2019-cu il tarixli Sərəncamı ilə Elnur Rzayev Xaçmaz Rayon İcra Hakimiyyətinin başçısı təyin edilib. Bundan öncə o, Gəncə Şəhər İcra Hakimiyyəti başçısının birinci müavini vəzifəsində çalışıb.
Ailəlidir, üç övladı var.
