Xaçmazın Palçıqoba kəndində inşa olunan məktəb binasında son tamamlanma işləri aparılır. Bu haqda ShimalNews 21 iyun tarixində xəbər verir.
İcra başçısı Elnur Rzayev və Regional Təhsil İdarəsinin müdiri Coşqun Əliyev tikinti prosesi ilə tanış olublar.
Məktəb üç korpusdan ibarətdir. Burada 360 şagird təhsil ala bilər. Onlar üçün sinif otaqları, laboratoriya, gənclərin çağırışaqədərki hazırlığı, əmək təlimi və kompüter otaqları, idman və akt zalı, kitabxana və yeməkxana fəaliyyət göstərəcək.
Yeni binanın növbəti tədris ilində istifadəyə verilməsi nəzərdə tutulub.
Daha öncə Palçıqoba kəndində yerləşən tam orta məktəbin 2020-ci ildə yandığına görə yenidən inşasına ehtiyac olduğu haqda xəbər vermişdik.
