Xaçmazda əkin sahələrinin suvarılmasının təşkili və mövcud su ehtiyatlarından səmərəli istifadənin təmin edilməsi məqsədilə iclas keçirilib. Bu barədə ShimalNews 3 aprel tarixində RİH-yə istinadən məlumat verir.
İclas İcra Hakimiyyətində keçirilib. Burada rayon rəhbəri Elnur Rzayev, aidiyyəti qurumlar, yerli icra nümayəndələri və bələdiyyələr iştirak ediblər.
Bildirilib ki, suvarma suyunun əkin sahələrinə ədalətli və növbəlilik prinsipi əsasında verilməsi nəzarətdə saxlanılacaq. İsrafçılığa və qrafikin pozulmasına yol verən şəxslər barədə qanunvericiliklə müəyyən edilmiş tədbirlər görüləcək.
