Xaçmaz şəhər 6 saylı tam orta məktəbdə “Son Zəng” təşkil olunub. Bu barədə ShimalNews 14 iyun tarixində məlumat verir.
Tədbirdə icra başçısı Elnur Rzayev məzunları təbrik edib, onlara gələcək həyatlarında uğurlar arzulayıb. Onların gələcək inkişafımız naminə həyata keçiriləcək işlərdə fəal iştirak edəcəklərinə inandığını bildirib.
Daha sonra şəhid anası Validə Hacıyeva məktəb illərinə əlvida deyən gənclərə bundan sonrakı həyatlarında müvəffəqiyyətlər arzulayıb və onlara göstərilən etimadı hər zaman doğrultmağı tövsiyə edib.
Mərasim şagirdlərin hazırladıqları ədəbi-bədii kompozisiyalarla davam etdirilib. Respublika fənn olimpiadasında və Dövlət İmtahan Mərkəzi tərəfindən keçirilən buraxılış imtahanlarında yüksək nəticə göstərən məzunlar diplomlarla təltif ediliblər.
