Xaçmaz rayonunun bir sıra ərazilərində adətən nadir tapılan kərgədan böcəkləri aşkar edilib. Bu barədə ShimalNews 22 iyun tarixində məlumat verir.
BM və TBETİ-nin Xaçmaz Təcrübə Stansiyası bildirib ki, fermerlərin bundan narahat olmasına səbəb yoxdur. Böcək mədəni bitkilərə əhəmiyyətli zərər vermədiyi üçün təhlükəli və zərərli həşərat hesab edilmir. Bu səbəbdən onunla mübarizə aparmaq üçün xüsusi üsul və vasitələr yoxdur.
Eləcə də kərgədan böcəyi insan üçün qorxulu deyil - dişləmir və sancmır. Hətta Yaponiyada çoxları bu böcəklərdən ev heyvanı kimi istifadə edirlər. Onların festivalı da keçirilir.
