Nazir Rəşad Nəbiyev Quba, Xaçmaz və Qusar rayonlarının sakinlərini qəbul edəcək. Bu barədə ShimalNews 6 fevral tarixində məlumat verir.
Rəqəmsal inkişaf və nəqliyyat naziri fevralın 9-da saat 09:30-da Xaçmaz şəhərində yerləşən Heydər Əliyev Mərkəzində vətəndaşlarla görüşəcək.
Telekommunikasiya, internet, poçt xidmətləri, televiziya və radio yayımı sahəsində sakinləri maraqlandıran məsələlərlə bağlı vətəndaşlar dinləniləcək.
Qəbula yazılmaq üçün fevralın 8-nə qədər müraciət etmək olar. Bunun üçün Çağrı Mərkəzi (1655), elektron poçt ([email protected]) və 010 250 48 48 və 012 598 58 58 (daxili 222 və 290) nömrələri ilə əlaqə saxlamaq lazımdır.
