Xaçmaz rayonunda yerləşən qəzalı məktəbin II yarımil üzrə tədrisi müvəqqəti digər təhsil ocağında başlayıb. Bu haqda ShimalNews 6 fevral tarixində məlumat verir.
Daha öncə İstisu qəsəbəsinin tam orta məktəbinin uzun illər təmirsiz olması və valideynlərin qorxu ilə uşaqları dərsə buraxması haqda xəbər vermişdik. Həmçinin sosial şəbəkələrdə qəzalı tikintinin videogörüntüləri yayılmışdır.
Cənab prezident İlham Əliyevin göstərişinə əsasən, qəsəbəmizdə yeni məktəb binası tikilməsi qərarı verildi. Müəllimlər və qəsəbə sakinləri bildirirlər ki, onlar üçün bu, çox sevindirici oldu.
Artıq 312 nəfərlik şagird kontingenti və müəllim heyəti Xudat 4 saylı məktəbə köçürülüb. Onların daşınması ilə əlaqədar müvafiq avtobuslar ayrılıb.
[video width="1920" height="1080" mp4="https://shimal.news/storage/photos/2024/02/Sequence-01_125.mp4"][/video]
