Kiçikhəcmli Gəmilərə Nəzarət və Sularda Xilasetmə Dövlət Xidməti kiçikhəcmli gəmi istifadəçiləri üçün Nabran qəsəbəsində maarifləndirici tədbir keçirib. Bu barədə ShimalNews 4 iyul tarixində Fövqəladə Hallar Nazirliyinə istinadən məlumat verir.
“Kiçikhəcmli gəmilərin təhlükəsiz istismarı” mövzusunda keçirilən təlimdə, o cümlədən balıq və digər su bioresurslarının sənaye ovunu həyata keçirən balıqçılara bu tip gəmilərin təchizat avadanlıqları barədə məlumat verilib.
Həmçinin gəmi sürücüləri kollektiv və fərdi xilasedici vasitələrdən, naviqasiya avadanlıqlarından istifadə qaydaları ilə bağlı da maarifləndirilib. Sonda təchizat avadanlıqları və təhlükəsiz istismar qaydaları haqqında broşürlər paylanılıb.
