Xaçmazda Dövlət Təhlükəsizliyi Xidməti əməkdaşlarının peşə bayramı qeyd olunub. Bu haqda ShimalNews 29 mart tarixində məlumat verir.
Tədbirdə Elnur Rzayev, DTX-nin Xaçmaz rayon şöbəsinin əməkdaşları, rayonun hüquq mühafizə orqanlarının, idarə, təşkilat və müəssisələrin rəhbərləri iştirak ediblər. İştirakçılar Heydər Əliyevin abidəsinin önünə tər çiçəklər düzərək əziz xatirəsini ehtiramla yad ediblər.
İcra Hakimiyyətinin başçısı Dövlət Təhlükəsizliyi Xidməti əməkdaşlarını peşə bayramları münasibətilə təbrik edib, çətin və şərəfli işlərində uğurlar arzulayıb. Sonda DTX-nin Xaçmaz rayon şöbəsinin bir qrup əməkdaşına Rayon İcra Hakimiyyətinin fəxri fərmanları təqdim edilib.
