Xaçmazda Ikinci Qarabağ müharibəsinin şəhidi Vüqar Sadıqovun xatirəsi anılıb. Bu barədə 14 oktyabr tarixində məlum olub.
Anım günü ilə bağlı Xaçmaz Regional Mədəniyyət İdarəsinin Xaçmaz rayon MKS-nin Qusarçay, Palçıqoba, Dədəli, Nağıoba, Ləcət, Köhnə Xudat, Qadaş-oba, Canaxır kənd kitabxana filiallarının və Canaxır kənd sənətkarlıq klubunun əməkdaşları şəhidin ailəsi ilə görüşüblər və şəhidin adına inşa edilmiş bulağı ziyarət ediblər.
Sadıqov müharibə başladığı müddətdən hərbi əməlliyyatlarda iştirak etmişdir. 13 oktyabr 2020-ci il tarixində Füzuli uğrunda gedən döyüşlərdə yaralı döyüş yoldaşını xilas edərkən şəhid olmuşdur.
Şəhid Vüqar Sadıqov ölümündən sonra "Füzulinin azad edilməsinə görə" və "Vətən uğrunda" medalları ilə təltif edilib.
