Xaçmaz rayon sakini İsa Kərimov oğurluq törətməkdə şübhəli bilinərək saxlanılıb. Bu barədə 15 oktyabr tarixində DİN-nin mətbuat xidməti məlumat verib.
Kərimov və Qax şəhər sakini olan, yetkinlik yaşına çatmayan qız, rayon polis əməkdaşları tərəfindən tutulublar. Həmçinin onlarla iki nəfərin də əlbir olduğu bildirilib və şəxsiyyətləri müəyyən edilib.
Araşdırma zamanı Qax şəhərində tir tüfəngi, Bərdə, Xaçmaz və Zaqatala rayonlarında pul və ərzaq məhsulları oğurladıqları məlum olub. Daha öncə, Kərimov oğurluq hadisəsini törətməkdə şübhəli bilinərək saxlanılmışdır. Onun azadlığını məhdudlaşdırmaq üçün elektron qolbaq təchiz olunmuşdur.
Faktla bağlı Qax Rayon Polis Şöbəsində cinayət işi başlanılıb.
