Amerikada yaşayan qubalı gənc yaratdığı reklam proqramını “X” (“Twitter”) sosial şəbəkəsinə 50 milyon dollara satıb. Bu haqda ShimalNews 2 fevral tarixində məlumat verir.
Nyu-York şəhərinin sakini olan 37 yaşlı Tural Bədirxanlı Quba şəhərində müəllim ailəsində doğulub. İlk təhsilini Zaur Cəfərov adına 3 nömrəli tam orta məktəbdə alıb. Quba Özəl Türk Liseyini bitirdikdən sonra xaricdə təhsilinə davam edib.
Tural 2 ilə yaxın “Google” şirkətində çalışdıqdan sonra oradan ayrılır. O, almaniyalı və amerikalı 2 həmkarı ilə “Namo Media” interaktiv reklam proqramını yaradır və onlar həmin proqramı “Twitter”ə satırlar.
