İsmayıllı sakininin içkili halda zarafat etməsi 10 günlük inzibati qaydada həbslə nəticələnib. Bu barədə ShimalNews 11 fevral tarixində “Baku.es”ə istinadən məlumat verir.
E.Fərəcov kafedə dostu ilə yeyib-içib. Oradan çıxdıqdan sonra o görüb ki, yol polisi bir avtomobili saxlayıb və protokol tərtib edir.
Bu zaman Fərəcov onlara yaxınlaşıb və tanımadığı sürücü ilə zarafatlaşaraq, onu ələ salmağa başlayıb. Polis əməkdaşı buna irad tutub, xidməti fəaliyyəti pozduğunu bildirib. Fərəcov isə polis əməkdaşı ilə mübahisə edərək əl-qol atıb.
