Azərbaycanda mövcud olan 4244 kənd arasında əhalinin sayı baxımından maraqlı mənzərə yaranıb.
Shimal.News Dövlət Statistika Komitəsinin son hesablamalarına əsasən xəbər verir ki, Azərbaycanda cəmi bir neçə nəfərin yaşadığı kəndlər var:
İsmayıllı rayonu: Pirqəm kəndi (2 nəfər), Gərzə (3 nəfər), Dahar (5 nəfər).
Xızı rayonu: Güneyqışlaq kəndi (5 nəfər).
Siyəzən rayonu: Əlməkolu kəndi (4 nəfər).
Neftçala rayonu: Qızqayıtdı kəndi (3 nəfər).
Onu da qeyd edək ki, Azərbaycanda müxtəlif səbəblərdən tamamilə boşalan, yəni heç kimin yaşamadığı kəndlər də mövcuddur. Onlar arasında Balakən rayonunun Göyəmtala, Darvazbinə, Abjit, Mazımqarışan, Bərdə rayonunun Çərəlilər, Cəlilabadın Novoqolovka, Xaçmazın Xaraxoba, Qubanın İbrahimhaput kimi kəndlərini göstərmək olar. Bu yaşayış məntəqələri hələ də kənd statusunu daşısa da, burada hazırda daimi yaşayan əhali yoxdur.
