İcra hakimiyyəti başçıları rayonların sosial-iqtisadi inkişafında və dövlət siyasətinin yerli səviyyədə icrasında əsas fiqurlardan sayılırlar. Onların fəaliyyəti əhalinin rifahına, idarəetmədə şəffaflığa birbaşa təsir göstərir. Bu vəzifəni icra edən şəxslərin peşəkar hazırlığı və idarəçilik bacarıqları isə xüsusi əhəmiyyət kəsb edir.
Azedu.az-ın məlumatına görə, məhz buna görə də icra başçılarının təhsil və karyera yolu ictimai maraq doğurur.
Quba-Xaçmaz iqtisadi rayonuna Quba, Qusar, Xaçmaz, Siyəzən və Şabran inzibati rayonları daxildir.
Quba Rayon İcra Hakimiyyətinin başçısı İlqar Akif oğlu Mahmudov 02 iyun 1975-ci ildə Bakı şəhərində anadan olub. 1992-ci ildə Bakı şəhəri Nəsimi rayonu 211 saylı tam orta məktəbi bitirdikdən sonra Bakı Dövlət Universitetinin Beynəlxalq Hüquq və Beynəlxalq Əlaqələr fakültəsinə daxil olub, 1997-ci ildə həmin fakültəni fərqlənmə diplomu ilə bitirib. 2001-2003-cü illərdə Azərbaycan Dövlət İqtisad Universitetində Beynəlxalq İqtisadi Münasibətlər və 2007-2010-cu illərdə Bakı Dövlət Universitetinin Hüquq fakültələrində əlavə təhsil alıb.
1967-1977-ci illərdə İsmayıllı rayonunun Qubaxəlilli kənd orta məktəbində təhsil alıb. 1981-ci ildə Rusiya Federasiyasının Tver şəhərinin Kalinin adına Dövlət Universitetinin iqtisadiyyat fakültəsinin "Mühasibat uçotu və təsərrüfat fəaliyyətinin təhlili" ixtisasına qəbul olnub, 1985-ci ildə həmin universiteti bitirib.
Xaçmaz Rayon İcra Hakimiyyətinin başçısı Elnur Şahbaz oğlu Rzayev 2 aprel 1980-ci ildə Qərbi Azərbaycanın Basarkeçər rayonunun Aşağı Şorca kəndində anadan olub. 1996-2000-ci illərdə Azərbaycan Dövlət İqtisad Universitetində "Biznes üzrə menecment" ixtisası üzrə bakalavr, 2000-2002-ci illərdə həmin Universitetdə "İstehsal sistemlərinin idarəedilməsi" ixtisası üzrə magistr, 2010-2013-cü illərdə Azərbaycan Respublikasının Prezidenti Yanında Dövlət İdarəçilik Akademiyasında "Dövlət və Bələdiyyə idarəetməsi" ixtisası üzrə təhsil alıb.
